Çend Gotin û Biwêjên Mezinên Me

Çend Gotin û Biwêjên Mezinên Me

Aqil taca zêrîn e li serê hemî kesî nîne
Apê Bişo ba tê baran wî dişo
Aş ji dest çiye li pey çeqçeqokê ketiye
Ava min û wan bi cêhkî da naçe
Av avahiye
Axura meriv ji qesra xelkê çêtire

Berde binê te erd e
Bê hostakî neçe çiyakî
Bîna diya tê ji xatiya
Bi dinyayê bişêwre bi aqilê xwe bike
Bi aqilê xwe dînê xwe bajo

Cêrê ku tim here avê ew ê rokî bişkê
Çavên li deriya xwelî li seriya
Çola Heşto* bi genim e siwaro rep e rep e
Çû heyfa bavê, qûna dê da li ser

Dengnekir zêr e
Derpiyê min li xwe bike, lê qûna xwe pê neke
Dewê te li gebola te
Deyndara deyndara xeniqandiye ma ?
Devê rovî nagije tirî, dibê bila xêra dê û bavê min be
Dê bivîne dotê werîne
Dibê qey hemû tû kirine devê hev / hev şîret kirine
Dîtin û gotin nabin yek
Dîwaro ez ji te ra divêm bûkê tu fêhm bike
Diza ji dizan dizî, erd û esman tev lerizî

Ez karim te bistînim qe nefiroşim
Ew ê xwedê şiva xwe li pozê te xe
Em ê ewkê te biqurpînin tê bê jin bimînî haa!!
Em bi xwêha nav girara hev dizanin
Eyarê bênamûsa fireye
Ewkê xwe bi potika mezin meke

Filankes li Kerê Şeytan  siyarbiye
Filankes wek nanê sêlê ye

Gava ku xwedê dide navê tu kurê kê yî ?
Giyayê hewşê tehl e
Giy ali ser koka xwe hêşîn dibe
Gur û Rovî ye ‘eyar bi nêvî ye

Heft sala çû seferê hat dîsa kerê berê
Heya vir hebin tu nizanî rasta vêjî
Heçî qenc e, ji xwe’r bik sin’et
heta min b’te kir te b’min kir
hivdê Adarê berfê avêt gulîyê darê nema danê êvarê
Himam bi tir û fisa germ nabe

Karkirê xwe şêrînê xelkê
Kerê ku barê te lê nîn be jê ra çoo meke
Kera li ba kera girê medin bila ji hev hînî tir û fisa nebin
Ker  here ku ker e
Kevirê havînê bavê kadînê ew ê lazim be çile û kanûnê
Kevirê giran ritil(kilo) davê
Kevir di ciyê xwe da giran e
Ku vir be bira pirr be
Kurmê şîrî heta pîrî
Kirasê li meriv nebe li hevalê meriv jî nabe
Kî bûk be ew berbûyî ye
Kirasê bê pêsîr li meriv dikin
Kî dibê dewê min tirş e ?

Limêja bi wext, paşê li ser text
Li te cehd, li min mirad(Xwedê gotiye)

Ma hûn Pincara Çiyakî ne ?
Mal têr e, kevanî şêr e
Mala pîrê gora pîrê
Mala mirtiva bi seknê xera dibe
Mala bavê min dûr biya min têr pesnê van bidaya
Mer û mal pevçûn ji kêmaqila tirê ji hev çûn
Mêrê kenok jina gerok
Mêr kanî ye, jin lîç e

Me’na tirekan arê cehiye

Meriv ji kerê hevala zû peya dibe
Meriv divê qey hûn di hev da qul in
Mirî dimire qûnzêrî dibe

Ne bi navê wîne bi dîtina wî
Nefs hemû kes, lîbas ne hemû kes
Nizanim rehetiya canim
Nokên me çûn bajêr bûn leblebî

pîrê bawer nedkiri mêrke de’wa heftik û heştikan dike
Piyê xwe li gor lihêfa xwe dirêj bik

Rasto bi xwedê ra zewal tine jê ra
Rehê dara bûne kevaniyê mala
Rêç rêçê Kerê Cû ne lê fihêşk fihêşkê Bûka Nû ne
Roj bûne sal kevanî bûne beqal
Rovî naçe qulê rîsîkî giya bi xwe ra dibe

Sal b’sal xwezî b’par serî qûç e binî pûç e
Serê kêrê zikê zebeş
Serê ku meêşê pota lê girê mede
Sê tişt xweşin bi sarî, tirşik û mehîr û karî…

Şam dûr e mişar ne dûr e
Şorbe morbe kevanî kor be



Tu çar pê û du serî bî
Tu nekî Xwedê bide te
Tu sofî bî êvarê înya pirr in
Tu hevalê tûtikê bî ew ê nikulê te tim di gû da be
Tu dûr î tu bi nûr î
Tu gû çiqa tevdî bêhn dide

Jina bîne esîla avê bixwe ji mesîla
Jinka min hey eli mala bavê xwe ye
Ji xasa dor nagihê nasa
Ji darek diçe sed şax
Ji qijikê qelî çênabe
Ji diza tirê her kes diz e
Ji têrî, bû nêrî
ji pezê pirr maye kavirê kurr

Xera dibe mala zêra,xera nabe mala mêra
Xwedê heye xem tunne ye,mirin heye rev tunneye
Xwedê noka dide ê bê diran
Xwediyê sebrê milûkê Misrê
Xwezil bi navê wî ne bi dîtina wî

Qenckiro b’xwe ra kiro xerakiro b’xwe ra kiro
Qey mîrato hema bîst li min ketiye
Qey tu serê biskê yî ?

Zaryê Horê werne dorê
Zewac carkiye,mirin carkî
zimanê xwe jêke ciyê xwe çêke
Zimano leq û leq seriyo teq û req zimano birî seriyo seqirî

                                                                                       *Taxek,çolek beyar e li Farqînê.


                                                                                              
                                                                                                   Çavkanî : Zibeyrê Xanê
                                                                                                    Temen : 77
                                                                                                    Perwerdehî : Nexwende
                                                                                                    Sal : 2014

                                                                                                    Herêm: Silîva/Farqîn
                                                                                                    Wêne: Gertrude Bell